மொழி அறிவோம் - 14

Simple Present - 2

பொதுவாக ஒரு Simple Present tense வாக்கியம் எப்படி இருக்கும்னு போன பதிவுல பார்த்தோம்.

Simple Present tenseல 'be verb' main verbஆ இருந்தா sentence எப்படி இருக்கும்னு பாப்போம்.

சரி be verbன்னா என்ன?

be, am, is, are, was, were, being, been.  இது எல்லாமே be verb தான்.

Simple Present tenseல am, is, are அப்படிங்கற 3 be verb மட்டும் தான் வரும்.

இந்த மாதிரி am, is, are வரக்கூடிய Simple Present tense sentenceக்கு என்ன sentence structure இருக்கும்?

Sentence structure

subject + main verb be (am, is, are)

Positive Sentence

• I + am

அதாவது I அப்படிங்கற subject வரும்போது, அதைத் தொடர்ந்து வர be verb, 'am' தான்.

Eg: I am Indian

• You, we, they + are

You, we, theyக்கு அடுத்து வர be verb, 'are' மட்டும் தான்.

Eg: You are French

• He, she, it + is

He, she, it க்கு அடுத்து வர be verb, 'is' தான்.

Eg: He is French

Negative sentence

இந்த sentenceகளுக்கும் அதே positive sentenceக்கு வர sentence structure தான்.

ஆனா, be verbக்கு அப்புறம் not வரும்.

Eg:

I + am + not + French.

You, we, they + are + not + French

He, she, it + is + not + French

Question Sentence

இதுவும் positive sentence இருக்க structure மாதிரி தான். ஆனா be verbஅ முதல்லயும், subjectஅ இரண்டாவதும் போடனும்.

Am + I + late?

Are + you, we, they + late?

Is + he, she, it + late? 

மொழி அறிவோம் - 13

Simple Present - 1

முதல் tense வகை, Simple Present.

எந்த சூழ்நிலைகளில் எல்லாம் simple present வகை வாக்கியங்களை பயன்படுத்துவோம்?

 

1. மாற்றம் இல்லாத விஷயங்கள், பொதுவாக நடக்கும் விஷயங்கள் - Permanent situations, General actions

Eg: Chennai is the capital of Tamilnadu.

I work in city.

2. திரும்பத் திரும்ப நடக்கும் விஷயங்கள்- Things which happen often or repeatedly 

Eg: I visit my grandparents in village every summer.

3. அறிவியல் உண்மைகள் -  Facts of nature or science 

Eg: Birds migrate in winter.

4. கால அட்டவணைகள் - Timetables 

Eg: The bus departs at 9.00 AM. 

சரி, இந்த Simple Present வாக்கியங்களை எப்படி உருவாக்குவது?

கீழ்கண்ட 3 வகை வாக்கியமாகவும் எப்படி Simple Present tense sentenceஐ உருவாக்குவது என்று பார்க்கலாம். 

1. Positive sentence

2. Negative sentence

3. Interrogative (Question) sentence

ஒவ்வொரு sentenceக்கும் ஒரு structure இருக்கு. முதல்ல இந்த வார்த்தை தான் வரனும், அப்படி முதல்ல இது வந்தா, இரண்டாவது அது சம்மந்தப்பட்ட வார்த்த தான் வரனும்னு. 

அத ஞாபகம் வச்சு, சரியா follow பண்ணாலே, பல தவறுகள தவிர்த்துடலாம்.

1. Positive sentence 

Subject (I, we, you, they ) + Main verb

Eg: I work

Subject (He, She, It) + Main verb (with s)

Eg: He works

2. Negative sentence

Subject (I, we, you, they ) + do + not + main verb

Eg: I do not visit

Subject (He, She, It) + does + not + main verb

Eg: She does not visit

3. Interrogative (Question) sentence

Do + Subject (I, we, you, they ) + Main Verb?

Eg: Do I visit?

Does + Subject (He, She, It) + Main Verb?

Eg: Does she visit?

Subject: எதைப் பற்றி அங்கு பேசுகிறோமோ, அதுவே subject. 

Verb: செயலைக் குறிக்கும் வார்த்தை

சரி simple present tense அவ்வளவு தானா! இன்னும் இருக்கே :) மீதத்தை அடுத்த போஸ்டில் பார்க்கலாம்.

மொழி அறிவோம் - 12

Tenses - காலம்

ஒரு விஷயம் எப்போ நடந்தது அப்படினு, அத பத்தி பேசற வாக்கியத்துல இருக்க காலத்த வச்சு தான் புரிஞ்சுப்போம்.

காலம் 3 வகையானது. அதாவது 3 tenses இருக்கு.

1. Present Tense (நிகழ் காலம்)

2. Past Tense (கடந்த காலம்)

3. Future Tense (எதிர் காலம்)

ஒவ்வொரு tenseலயும் 4 பிரிவு இருக்கு. 

1. Simple

2. Continuous

3. Perfect

4. Perfect Continuous

அதாவது ஒரு செயல், குறிப்பிட்ட காலத்துலயும், exactஆ எப்ப நடந்ததுனு புரிஞ்சுக்க உதவும்.

எடுத்துக்காட்டா, 

Present Continuous எடுத்துப்போம்.

Presentன்னா நிகழ்காலத்துல நடக்கறது. அத இன்னும் குறிப்பா எப்போ நடக்குதுனு சொல்ல continuous பிரிவ எடுத்துக்குறோம்.

Continuousன்னா, நடந்துட்டே இருக்கறது.

அப்போ, நிகழ்காலத்துல நடந்துட்டே இருக்க செயல், Present Continuous. 

அடுத்த postல இருந்து, ஒவ்வொரு tenseஐயும், தனித்தனியா பார்ப்போம்.

மொழி அறிவோம் - 11

Living in a bubble.

இத அப்படியே translate பண்ணுனா, குமிழியில் வாழ்தல்னு வருமில்லயா? நிஜமான அர்த்தமும் அது தான். காலம் அல்லது சூழ்நிலை அல்லது வேற ஏதாவது ஒன்னு நம்மள சுத்தி மாறிட்டே இருக்கும். நாமளும் அதுக்கேத்த மாதிரி நம்மள பொருத்திகிட்டு, மாறிட்டு இருப்போம்.

அப்படி மாறும்போது நடக்குற புது விஷயங்களுக்கு ஏத்தா மாதிரி, புது ஐடியாக்கள், புது முடிவுகள் எல்லாம் தேவைப்படும் தானே? ஆனா அத ஏத்துக்க முடியாம சிலர் இருப்பாங்க.

அவங்கள குறிப்பிடும்போது தான் 'living in a bubble" அப்படினு சொல்லுவோம்.

எ.டு:

* Are you living in a bubble?

* She lives in a bubble

* "He has no idea what people are thinking because he lives in a bubble", said Mark

கணக்கு ரொம்ப ஈசி - 1

Euler's formula

ஒரு 3D படம் வரைந்து கொள்ளுங்கள். அல்லது ஒரு சதுர டப்பா எடுத்து வச்சுக்கோங்க. படத்தில் உள்ளது மாதிரி. 

நிஜமா அதுல எத்தனை மூலைகள் இருக்கோ, அது எவ்வளவுனு நோட் பண்ணலாம். இந்த படத்துல அப்படிப்பட்ட புள்ளிகள் 8.

எத்தனை வெற்றிடம் இருக்கு? நாலா பக்கமும் 4, அப்புறம் மேல கீழனு 2. மொத்தம் 6 

எத்தனை கோடுகள் இருக்கு? படத்துல எண்ணுனா ஈசியா எண்ணிடலாம். 12 இருக்கு.

இப்போ புள்ளிகள் + வெற்றிடம் - கோடுனு போடலாமா?

8+6-12 = 2

இது முப்பரிமாண வடிவங்களுக்கான விடை. இதே சாதாரண படத்துக்கு வரைஞ்சா? பதில் 1 வரும். 

ZZ செடி முளைச்சிடுச்சு

சில மாதங்களுக்கு முன்னாடி zz plantடோட ஒரு கிளைய, லவ் பேர்ட்ஸ் விளையாடும்போது ஒடைச்சு விட்ருச்சு. அத எடுத்து தனியா நட்டு வச்சிருந்தேன்.

என்னடா இது ரொம்ப மாசமா ஒரு மாற்றமும் இல்லயே. சின்ன தொட்டிக்கு மாத்திடுவோம்னு இன்னிக்கு எடுத்தா, கீழ அதோட கிழங்கு முளைச்சிருக்கு 😍😍

பாக்கவே அவ்ளோ சந்தோஷம். லவ் பேர்ட்ஸ் முட்டை பொரிக்கும்போதும் இப்படித் தான் இருக்கும். மனசெல்லாம் ஜில்லுனு, ஒரு மாதிரி சந்தோஷமா, வாவ்னு..

Gardening எல்லாருக்கும் எப்படினு தெர்ல. ஆனா எனக்கு பேரானந்தம். ஒவ்வொரு இலை முளைக்கும்போதும் இப்படி சந்தோஷம் வரும். ஒவ்வொரு செடியும் எனக்கு ஒரு source of happiness 

❤

சின்ன பொம்மைகளும் சின்னஞ்சிறு குழந்தைகளும்!

 

பொதுவாக விளையாடுவது என்றாலே மகிழ்ச்சியான விஷயம் தான். ஆனால் ஒவ்வொரு விளையாட்டிலும் நன்மை தீமைகள் உண்டு. சண்டை அதிகமிருக்கும் வீடியோ கேம்கள் குழந்தைகளிடம் வன்முறை எண்ணத்தை வளர்க்கிறது போன்ற செய்திகளை கடந்து வந்திருப்போம். சிறிய அளவுள்ள பொம்மைகளை வைத்து விளையாடுவதில் நன்மை உண்டா, இல்லை ஏதேனும் தீமைகள் உண்டா? பார்ப்போம்.

சிறிய பொம்மைகளுடன் விளையாடுவது குழந்தைகளின் மோட்டார் திறன்களைக் கூர்மைப்படுத்தும்.  இசைக்கருவிகள் வாசித்தல், எழுதுதல் போன்ற வேலைகளை செய்யும் போது பயன்படுத்தும் அதே திறன் தான். 

அவர்கள் தங்களை பாதிக்கும் விஷயங்களை இம்மாதிரி விளையாடுவதின் மூலம் பல சமயங்களில் சரி செய்து கொள்கிறார்கள். (healing)

அந்த பொம்மைகளை வைத்து பல விதமான விளையாட்டுகள் விளையாடுவார்கள் இல்லையா? அந்த விளையாட்டு அவர்களின் கற்பனைத் திறனை  வளர்க்கிறது.

அது மட்டுமன்றி, தன்னைவிட சிறிய பொம்மைகளை வைத்து விளையாடும் போது, தங்களை பெரிய ஆட்களாக நினைத்துக் கொள்கிறார்கள் குழந்தைகள். அது அவர்களின் personality வலிமையாகவும் உதவுகிறதாம்.

சரி, சீக்கிரம் சின்னச் சின்ன பொம்மைகள் வைத்து விளையாடுவோமா?

❤️

விளையாட்டாய் குழந்தை வளர்க்கலாம்!

 விளையாட்டாய் குழந்தை வளர்க்கலாம்!

- Sowmya Red

சிறுவன் ஒருவனுக்கு பள்ளி என்றாலே கொஞ்சம் பதட்டம் இருப்பதை அவனது தாய் கவனிக்கிறார். அவனிடம் அதைப் பற்றி தொடர்ந்து பேசியும் பெரிதாய் எந்த மாற்றமும் இல்லை. 

ஒரு நாள் தன்னிடம் இருக்கும் பொம்மைகளை மணலில் போட்டு அச்சிறுவன் விளையாடிக் கொண்டிருக்கிறான்.  பொம்மைகளைக் கொண்டு சிறிய வகுப்பறையை அமைக்கிறான்.  வரிசையாய் விலங்கு பொம்மைகளை வைத்த அவன், ஒரு சிறிய நாய் பொம்மையை முக்கியமான இடத்தில் வைக்கிறான். சிறப்பு கவனமாம்! விளையாட்டை பற்றி அவன் தாய்க்கு விளக்குகிறான்

சிறுவன்: அம்மா அவங்க எல்லாரும் ஸ்டூடண்ட்ஸ். இந்த நாய் குட்டி ஸ்டூடண்ட் இருக்கில்ல, அது அதோட அம்மா கிட்ட இருந்து தூரமா வந்து ஸ்கூல்ல இருக்கு. அதான் அது பயபட்டுட்டு இருக்கு. அதுனால அதுக்கு ஸ்பெஷல் இடம்.

அம்மா: ஓ அப்படியா. அம்மா எப்பவும் கூடவே இருக்க முடியாதுல்ல.

சிறுவன்: ஆமாம்மா ஆனா நாய் குட்டிக்கு அம்மா பக்கத்துல இல்லனா பயம் வந்துடும்.

தாய் உடனே நாய்க்கு பக்கத்தில் ஒரு சூப்பர் ஹீரோ பொம்மையை வைக்கிறார்.  

அம்மா: இந்த சூப்பர் ஹீரோ அந்த நாய் குட்டி கூட இருக்காருல்ல. அதுனால அம்மா பக்கத்துல இல்லனாலும் நாய்குட்டி பயப்பட தேவையில்ல.

அன்றிலிருந்து, திரும்பத் திரும்ப நாய்க் குட்டி பொம்மையும், சூப்பர் ஹீரோ பொம்மையும் சேர்த்து வைத்து தொடர்ந்து விளையாடுகின்றனர். ஒரு மாதத்தில், அந்த சிறுவனின் பள்ளி குறித்த பயம் பல மடங்கு குறைந்து, அவன் செயல்பாடுகளில் முன்னேற்றங்கள் தெரிந்தது.

விளையாட்டு என்பது வெறும் விளையாட்டு மட்டுமல்ல. கதைகள் எப்படி பல விஷயங்களை புரிய வைக்கின்றதோ, அதே போல விளையாட்டையும் ஒரு தளமாய் பயன்படுத்த முடியும்.

மலைகள் எனக்கு விருப்பம்!

 உயரம் எனக்கு பிடிக்கும் 

அதிலும் மலைகள் என்றால் பெரு விருப்பம்!

எந்த மலை மீது ஏறி நின்றாலும், உடனே ஒரு மகாராணி போன்ற உணர்வு வந்துவிடும்.

சொந்த ஊரில் இருக்கும்போது, ஏற்காடு மலை செல்வதுண்டு.

மேலே ஏறி நின்று, என்னை நானே அரசியாக எண்ணிக்கொண்டு பல கட்டளைகள் இட்டிருக்கிறேன். சிரிப்பாக இருந்தாலும் ஓர் அரசியைப் போன்ற உணர்வை மலைகள் தருவது என்னளவில் நிஜமே!

எப்போதும் மலை அரசிகள் எனக்குத் துணையாக இருக்கின்றனர்.

கூப்பிட்ட குரலுக்கு ஓடி வருகிறார்கள். மலைகள் நகர்வதில்லை என்று நீங்கள் நினைக்கிறீர்கள். அதுவல்ல நிஜம்! 

மலைகள் மனத்துக்குள் நகர்கின்றன.

எந்தவொரு சாதாரணத்தையும் அசாதாரணமாக மாற்றி விடுவதில் மலைகளுக்கு நிகர் மலைகளே!

என்னை அரசியாக மாற்றுவதாலேயே, மலைகள் என்றால் பெரு விருப்பம் எனக்கு!

❤

எதிர்மறை எண்ணங்களும் - சிறுவர் விளையாட்டுகளும்!

 

எதிர்மறை எண்ணங்களும் - சிறுவர் விளையாட்டுகளும்! - Sowmya Red

Melissa என்பவருக்கு ஏற்பட்ட அனுபவம் இது. படிகளில் ஏறி விளையாடிக் கொண்டிருந்தது மெலிசாவின் குழந்தை. திடீரென தவறி விழுந்து உருண்டு கீழே விழுந்து விட, பயத்தில் கத்தி அழுகிறது. அவளது தாயான மெலிசாவும் பயத்தில் கத்தி அழத் தொடங்குகிறார். உடனே அப்பா வந்து குழந்தையை தூக்கிக் கொண்டு, ஹாலுக்கு ஓடுகின்றார். சமாதானப்படுத்திவிட்டு எங்காவது அடிபட்டிருக்கிறதா என்று பார்க்கின்றார். குழந்தைக்கு ஒன்றும் ஆகவில்லை. உதட்டில் லேசான வீக்கம் மட்டும். Hot packஐ உதட்டின் மேலே வைக்கிறார்கள். 

அதன் பிறகு குழந்தை வினோதமான ஒரு விளையாட்டில் ஈடுபடுகிறது. படிகளில் ஏறி நின்று பொம்மைகளை தூக்கி எறிந்து விளையாடுகிறது. தினமும் இதே விளையாட்டை விளையாடுகிறது. பொம்மைகளை எடுத்து அடுக்கி வைக்க நேர்ந்த அவளது தந்தை கொஞ்சம் கொஞ்சமாக பொறுமை இழக்கிறார். அப்போது அதைக் கவனிக்கிற தாயார் பொம்மைகளை எடுத்து அவளுக்கு செய்தது போல, காயமிருக்கிறதா என்று தேடுகிறார். அவள் அதை கவனிக்கிறாள். ஹாட் பேக் வைக்கலாமா என்று கேட்க, குழந்தை உடனே ஹாட் பேக்கை எடுத்து பொம்மையின் உதட்டின் மீது வைக்கிறது. இப்படியே ஒரு வாரம் விளையாடிய குழந்தை அதற்கடுத்த அந்த விளையாட்டை விளையாடவில்லை.

பொதுவாக நமக்கும் இது போன்று நம்மை பயமுறுத்தும் நிகழ்வுகள் நடக்கலாம். நாம் புலம்பி தீர்த்துக்கொள்ளவோம். சிலர் அதை மனதில் அழுத்தி traumaவாக மாற்றிக் கொள்கின்றனர். 

ஆனால் இங்கு, தனக்கு நேர்ந்த பயத்தை விளையாட்டின் மூலம் அந்த குழந்தை தீர்க்க முயன்று, வெற்றியும் பெற்றிருக்கிறது. தாய் சரியான நேரத்தில் கவனித்து ஒத்துழைத்திருக்கிறார். சின்ன சின்ன விஷயங்களில் இது மாதிரி healing taskகளை செய்யலாம். 

குழந்தையின் உலகத்தில் நுழைவதற்கு முதல் படியே அவர்களுடன் விளையாடுவதுதான். இத்தகைய விளையாட்டுகளின் மூலம் அவர்கள் மனதில் எந்த வகையான எதிர்மறை உணர்வும் தங்கி விடாமல் பார்த்துக் கொள்ளலாம். 

❤

மொழி அழிவு

2002ல் UNESCO எடுத்த ஆய்வின் படி, 20ம் நூற்றாண்டில், ஆஸ்தரலேசியா மற்றும் அமெரிக்காவில் மட்டும் நூற்றுக்கும் மேற்பட்ட மொழிகள் அழிவை சந்தித்திருக்கின்றன. 21ம் நூற்றாண்டில் இன்னும் பல நூறு மொழிகள் அழியும் என்று கூறுகின்றனர். 

மொழி அழிவு என்பது ஒரு சில நாளிலோ, மாதங்களிலோ நடப்பது அல்ல. முதலில் பயன்பாட்டுச் சரிவு நடக்கும். பயன்பாட்டுச் சரிவு என்றால் என்ன? 

ஒரு காய்கறி கடையில் பூசணிக்காய் வாங்க வேண்டும் என்று வைத்துக் கொள்வோம். பூசணிக்காய் தேவைப்படும் எல்லோரும், பூசணி வேண்டும் என்று தமிழில் கேட்டால் பயன்பாடு சிறப்பாக இருக்கிறது. தமிழ் தெரிந்தும் எல்லோரும் இன்னொரு மொழியில் கேட்கத் தொடங்கினால் மொழிச் சரிவு. 

நான் இரண்டு வருடங்கள் பெங்களூரில் வேலை பார்த்தேன். கன்னடத்தை தாய் மொழியாக கொண்டவர்களுமே ஹிந்தியில் பேசுவதை பார்த்திருக்கிறேன். பல மொழிகளை தாய் மொழியாகக் கொண்டவர்கள் ஒரு இடத்தில் கூடுவதால் வரும் பிரச்னை இதே. இணைப்பு மொழி தேவைப்படுகிறது. ஆனால் அது கன்னடமாக இல்லாமல், இன்னொரு மொழியாக இருந்தது ஆச்சரியமே.

சரி இப்படியெல்லாம் நடப்பதால் உடனே மொழி அழிந்து விடுமா? இல்லை. ஆனால் அது நிச்சயம் ஓர் ஆரம்பம்.

ஒரே மொழி எல்லா இடங்களிலும் பயன்படுத்தலாம் என்று கூறி சில சமயங்களில் மொழி திணிக்கப்படும்.  அதற்குப் பெயர் Linguistic Homogenization. இது அந்த இடத்தில் உள்ள மற்ற மொழிகளை காலப் போக்கில் கொன்று விடும்.

ஒரு மொழி கலை, மதம், பொழுதுபோக்கு போன்ற விஷயங்களில் 'மட்டும்' பயன்படுத்தப்பட்டு வந்தால், அது அழிவின் விளிம்பில் இருப்பதாக பொருள்.

ஒரு மொழியின் economical usage குறைந்தால், அந்த மொழி அழிவின் பாதைக்குள் செல்லும். மேலே சொன்ன அதே எடுத்துக்காட்டுகளை பொருத்திப் பார்க்கலாம். பூசணி தேவைப்படும் போது, எல்லா இடங்களிலும் தமிழ் தெரியாவிட்டாலும் வாங்க முடியும் என்றாலோ, சில இடங்களில் தமிழில் சொன்னால் தான் புரியாது, வேற்று மொழியில் சொன்னால் தான் புரியும் என்றாலோ, economical usage குறைந்துள்ளது என்று பொருள். இது அதிகரித்துக் கொண்டே போனால், அது அந்த மொழிக்கு நல்லதல்ல.

பேசப் பேசத் தான் மொழி வாழும். ஒரு மொழியைப் பேசும் மக்கள் அனைவரும் அதைப் பேச வேண்டும். பிற மொழி வார்த்தைகளை தங்கள் மொழிக்கு மொழி பெயர்த்து பயன்படுத்துதல், சமூகப் பயன்பாட்டில் தன் மொழியை அதிகம் பயன்படுத்துதல் போன்றவை மொழி வாழ உதவும்.

தனிமை பிடிக்கும்!

மனிதர்களற்ற இடங்களில் வாசம் செய்வது என் விருப்பம்...

இந்த கசகசப்புகளில், கட்டுப்பாடுகளில், நம்பிக்கைகளில் இருந்து தப்பித்து,

ஆளற்ற, அரவமற்ற தனிக்காடுகளில் திரிவது என் விருப்பம்.

சின்ன சின்ன பூச்சிகளின் க்ரீச் சத்தங்களும்,

உயர உயர பறக்க விரும்பும் பறவைகளின் பாடல்களும் என் விருப்பம்.

அலையோடு விளையாடி, கால் தொட எத்தனிக்கும் நீரிடமிருந்து தப்பி விளையாடும் சிறிய விளையாட்டுகள் என் விருப்பம்.

தனிமையில் காற்றின் சத்தமும், பதில் பேசும் இலைகளின் சரசரப்பும், என் விருப்பம்.

மனிதர்கள் பிடிக்காதா? பிடிக்கும்..

ஆனால் மனிதர்களற்ற இடம் ரொம்ப பிடிக்கும்..

கட்டுப்பாடுகளற்ற இடம் மிகவும் பிடிக்கும்...

காற்றில் பரவும் வாசம் போல இயல்பாய் வாழ ரொம்ப ரொம்ப பிடிக்கும்.

❤

- சௌம்யா

மொழி அறிவோம் - 10

 Slippery slope

வழுக்குற மாதிரி இருக்கக்கூடிய சரிவான பகுதி

இத எப்படி ஒரு sentenceல பயன்படுத்துவோம்னு பாக்கறதுக்கு முன்னாடி, அப்படி ஒரு வழுக்கு சரிவுல நின்னா என்னாகும்னு யோசிச்சு பாருங்க.

வழுக்கிட்டு கீழ வரைக்கும் போயி இடுப்பொடிச்சுட்டு உட்கார்ந்துட்டு இருப்போம்ல. இதே அர்த்தத்துல தான் sentenceலயும் பயன்படுத்துவோம்.

ஆரம்பத்துல தப்பு பண்ணுட்டா, கடைசி வரைக்கும் அவ்ளோதான் அப்படினு சொல்லும்போதும்,

யாராவது வந்து காப்பத்தலான நம்ம கதி அதோகதிதான்னு சொல்ற இடங்கள்லயும், slippery slope பயன்படுத்தலாம்.

Eg: His behavior will lead him down a slippery slope to ruin

அவனோட இந்த பழக்கம் அவன உருப்படி இல்லாத இடத்துல தான் கொண்டு நிறுத்தப்போகுது.

Having a glass of wine at morning is a slippery slope - you'll end up finishing the whole bottle by the end of the evening.

காலையில ஒரு க்ளாஸ் வைன் குடிக்கலாம்னு ஆரம்பிச்சினா, சாயங்காலத்துக்குள்ள முழு பாட்டிலயும் முடிச்சிருவ. 

எவனாலயும் காப்பாத்த முடியாது, கம்முனு கெடனு சொல்றாங்க.

மொழி அறிவோம் - 9

உச்சரிப்பு 

தனித்தனியா ஒரு வார்த்தைய உச்சரிக்கும்போது ஒரு மாதிரியும், 2 வார்த்தைகள சேர்த்து உச்சரிக்கும் போதும் வேற மாதிரி இருக்க வார்த்தையவும் பார்ப்போம். முதலில், தமிழ் எடுத்துக்காட்டு, பிறகு ஆங்கிலம்.

தமிழ்ல அந்த மாதிரி இருக்க வார்த்தைகள் 

வெண்மை + பட்டு = வெண்பட்டு.

இது மையீற்று பண்புப் பெயர் புணர்ச்சி.

அதாவது, பண்பைச் சொல்லக்கூடிய, 'மை' என்ற எழுத்தில் முடியக்கூடிய வார்த்தை. அந்த வார்த்தை, அடுத்து வர வார்த்தையோட சேரும் போது, மை காணாம போயிடுது. 

செம்மை + மலர் = செம்மலர்.

இந்த மாதிரி ஆங்கிலத்தில் ஒரு வார்த்தை 'd'யில் முடிந்து, அடுத்த வார்த்தை 'g'யில் தொடங்கினால், dயின் உச்சரிப்பு காணாம போயிடும்.

எ.டு: bad, girl. 

இதை சேர்த்து உச்சரிக்கும்போது, ba-girl என்பது போல் உச்சரிப்போம்.

பி.கு: பெரும்பாலும் பண்புகள் 'மை' அப்படினு தான் முடியும்.

பண்பு அப்படின்னா தன்மைனு அர்த்தம். குளிர் அடிக்குதுனா குளுமை அதோட பண்பு. வெயில் அடிக்குது சுடுதுனா, வெம்மை அதோட பண்பு.

மொழி அறிவோம் - 8

 

The" எங்கல்லாம் பயன்படுத்தலாம்?

Lakes, mountains, cities, islands & continents பெயர்களுக்கு முன்னாடில்லாம் the சொல்லக்கூடாது.

எ.டு: I want to climb Mount Everest.

பெரும்பாலான நாடுகள் பெயர் முன்னாடி the சொல்ல மாட்டோம்.

எ.டு: I went to India last year.

சில நாடுகள் பெயர் முன்னாடி the சொல்லுவோம். ஆனா அதுக்கு அந்த நாட்டோட பெயர், plural nounஆ இருக்கனும். அதாவது பன்மை பெயர்ச்சொல்

எ.டு: I went to the Netherlands.

States, kingdom or republic போன்ற வார்த்தைகள் நாட்டோட பெயர்ல இருந்தா the சொல்லலாம்.

எ.டு: I live in the United Kingdom.

ஒரு விஷயத்தை குறிப்பிட்டு சொல்லும் போது பயன்படுத்தலாம். குறிப்பிட்ட மனுசன், குறிப்பிட்ட விஷயம், அந்த மாதிரி. Use "the" when the noun is specific or particular

Let's read the book அப்படினு சொன்னா ஏதோ ஒரு குறிப்பிட்ட புத்தகத்த சொல்றாங்க.

Let's read a book ஏதோ ஒரு புத்தகத்த படிப்போம்னு சொல்றாங்க.

ஒருமை, பன்மைனு இரண்டு விதமான வார்த்தைகள் முன்னாடியும் the பயன்படுத்தலாம்.

மொழி அறிவோம் - 7

Sticking point

Meaning: an obstacle to progress towards an agreement or goal

நாம ஒரே சமாதானத்துக்கு வர முயற்சி பண்ணிட்டு இருக்கும்போது, இரண்டு பக்கத்தாரும் இறங்கி வர விரும்பாத ஒரு விஷயம் இருக்குமே, அது தான் sticking point.

அதாவது, அந்த sticking pointல தான்  முட்டல் மோதலே நடக்கும்.

எடுத்துக்காட்டு:

கணவனும் மனைவியும் சேர்ந்து அந்த மாதத்தின் பட்ஜெட் போடுகிறார்கள் என்று வைத்துக்கொள்வோம். கணவன் புது மொபைல் வாங்க திட்டமிட்டு பட்ஜெட்டில் மற்ற செலவுகளை குறைத்து, போனை வாங்க திட்டமிடுகிறார்.

பழைய போன் நன்றாக இருக்கும்போது புது போன் அநாவசியம் என்ற கருத்தில் மனைவியும், வேலை செய்வதற்கு இந்த போனின் features வசதியாக இல்லை என்ற கருத்தில் கணவனும் விடாபிடியாக நின்றுவிட்டனர்.

இப்போது போன் வாங்குவதற்கு ஆகும் செலவு இங்கு sticking point.

Example: 

John and Mary could not agree on the budget. The amount to be spent on mobile was a real sticking point

ஜானுக்கு மேரிக்கும் பட்ஜெட்ல உடன்பாடே வரல. மொபைல் வாங்க ஆகப்போற செலவு தான் அங்க பிரச்சனையா இருந்ததுனு அர்த்தம்.

மொழி அறிவோம் - 6

Vanilla அப்படின்னா என்ன?

நிறைய பேருக்கு அத ஒரு ஐஸ்க்ரீம் flavourஆ மட்டும் தான் தெரியும். Vanillaங்கற வார்த்தை nounஆ பயன்படுத்தும் போது அது ஐஸ்க்ரீம்.

ஆனா vanillaங்கற வார்த்தைக்கு இன்னொரு அர்த்தமும் இருக்கு.

அடிப்படையான, சாதாரணமான அப்படினு. இது adjectiveஆ பயன்படும்போது. 

characterless, faceless, featureless, indistinctive, neutral இந்த வார்த்தைகள் எல்லாமே அதோட synonyms. அதாவது அதே பொருள் தரக்கூடிய சொற்கள்.

இத எப்படி sentenceல பயன்படுத்தறது?

The decoration is pretty vanilla

அலங்காரம் சாதாரணமாத் தான் இருக்குனு சொல்றாங்க.

பி.கு:

Noun(பெயர்ச்சொல்): பொருள், கருத்து, இடம் அல்லது ஆள் பெயராகப் பயன்படுத்தப்படும் சொல்

Adjective(உரிச்சொல்): பெயர்ச்சொல்லைப் பற்றி விவரிக்கக் கூடிய சொல்

மொழி அறிவோம் - 5

Some/Any தொடர்ச்சி..

நேற்று சொன்ன அதே rules தான் some/any பயன்பாட்டிற்கு. இன்னும் சில பயன்பாடுகள் பார்க்கலாம்.

Something என்ற வார்த்தையை ஏதேனும் பொருள் சம்மந்தமான இடத்தில் பயன்படுத்தலாம்.

எ.டு: Look, I've got something for you!

Somebody /Someone என்ற வார்த்தையை மனிதர்கள் சம்மந்தப்பட்ட இடத்தில் பயன்படுத்தலாம்.

Somebody கொஞ்சம் informal, அதாவது casualஆ பேசும் போது பயன்படுத்தலாம். Someoneங்கறது formal. பொதுவாக எழுதும்போது அதிகம் someone பயன்படுத்துவாங்க.

எ.டு: 

1.There's somebody at the door.

2.I know someone who could help us.

Somewhere என்ற வார்த்தையை இடங்கள் பற்றி குறிப்பிடும்போதும் பயன்படுத்தலாம்.

Somewhere பயன்படுத்தும்போது ஒரு முக்கியமான விஷயம் கவனிக்கனும். அது என்னன்னா, somewhereங்கற வார்த்தைக்கு முன்னாடி in,to,for இந்த மாதிரி எந்த prepositionsம் பயன்படுத்தக் கூடாது. 

எ.டு: He lives somewhere near here

இதே தான், anything, anybody, anyone, anywhereக்கும். ஏற்கனவே சொன்ன மாதிரி anyங்கற வார்த்தைய negative அல்லது கேள்வி பயன்படுத்தும் இடத்துல தான் use பண்ணனும்..

Addtl tips:

ஒருத்தர சொல்லும் போது, SOMEBODY or SOMEONE, நிறைய பேர சொல்லனும்னா some people

அதே மாதிரி SOMETHINGக்கு பன்மை some things

SOMEWHEREக்கு பன்மை some places

மொழி அறிவோம் - 4

Some, anyங்கற வார்த்தைகள எப்படி பயன்படுத்தறதுனு பார்ப்போம்.

Some, any இரண்டுமே அளவைக் குறிப்பிட சொல்ல பயன்படற வார்த்தைகள். அதாவது எவ்வளவு இருக்குனு சொல்ல.

சிம்பிளா சொல்லனுனா,

பாசிட்டிவா சொல்லும் போது someம், கேள்விக்கு பதில் சொல்லும் போதும், நெகடிவா சொல்லும் போதும் anyம் பயன்படுத்துறோம்.

எ.டு:  I have some food if you are hungry.

இது பாசிட்டிவான பேச்சு. பசிச்சா என்கிட்ட இருக்க சாப்பாட்ட சாப்பிடுனு சொல்றாங்க. அதுனால some பயன்படுத்துறோம்.

There aren't any of the chairs left for me to sit.

நான் உட்கார ஒரு சேர் கூட காலியா இல்லனு சொல்றாங்க. இல்லங்கறது நெகடிவ் தானே. அங்க any. 

ஆனா any பயன்பாட்டுல ஒரு சின்ன exception இருக்கு. அது என்னன்னா, கேள்விக்கு பதில் சொல்லும்போது any பயன்படுத்தாலாம்னு சொன்னேன் இல்லியா? அந்த கேள்வி ஒரு உதவி பண்றத பத்தியோ அதாவது offering அல்லது requestஆவோ இருந்தா, அப்போ some தான் பயன்படுத்துவோம்.

எ.டு: Could you make me some food?

எனக்கு கொஞ்சம் சாப்பாடு செஞ்சு தரியா? இது கேள்வி தான். ஆனா இங்க any பயன்படுத்தக் கூடாது. ஏன்னா செய்து தரியாங்கறது request.

Will you need any money?

இதுவும் கேள்வி. ஆனா இதுல requestம் இல்ல, அவங்க எடுத்துக்கிறியானு offerம் பண்ணல. காசு தேவைப்படுமானு கேக்கறாங்க. அதுனால any பயன்படுத்துறோம்.

Additional tips:

Some அல்லது anyய தொடர்ந்து a / an / the / my / your / his / her  போன்ற வார்த்தைகள் வரும்போது, some of / any of னு சொல்லனும்.

எ.டு: some of "your" books

Any of "the" writers

லவ் பேர்ட்ஸ் உணவுகள்

சமீபமா சில நண்பர்கள் லவ் பேர்ட்ஸ் வாங்கியிருக்காங்க, சிலர் இன்பாக்ஸ்ல கேட்டீங்க. உதவியா இருக்கும்னு இந்த போஸ்ட். நாங்க தர உணவுகள் லிஸ்ட் போடறேன்.

1) திணை (main food)

2) கேழ்வரகு

3) மற்ற சிறு தானியங்கள் கொஞ்சமா

4) சூரியகாந்தி விதை

5) எந்த கீரையா இருந்தாலும் அதோட தண்டு, புதினா, கொத்தமல்லி etc

6) பழங்கள்

7) காய்கள்

8) சுண்ணாம்புக் கல்

9) கணவாய் ஓடு

10) மாசத்துக்கு ஒரு தடவ சத்து டானிக். குடிக்கற தண்ணியில 1-2 drops

11) நிறைய கடிக்கும், அதுனால வேப்பம் குச்சி, முருங்கை கட்டை அந்த மாதிரி ஏதாவது உள்ள போட்டு விட்டா, சத்தா கடிச்சிட்டு இருப்பாங்க.

குத்துமதிப்பா சொல்லனும்னா கைக்கு கிடைக்கறத போடலாம், அது நல்லதா இருக்க பட்சத்தில் 👻

Happy parenting :)