மொழி அறிவோம் - 9

உச்சரிப்பு 

தனித்தனியா ஒரு வார்த்தைய உச்சரிக்கும்போது ஒரு மாதிரியும், 2 வார்த்தைகள சேர்த்து உச்சரிக்கும் போதும் வேற மாதிரி இருக்க வார்த்தையவும் பார்ப்போம். முதலில், தமிழ் எடுத்துக்காட்டு, பிறகு ஆங்கிலம்.

தமிழ்ல அந்த மாதிரி இருக்க வார்த்தைகள் 

வெண்மை + பட்டு = வெண்பட்டு.

இது மையீற்று பண்புப் பெயர் புணர்ச்சி.

அதாவது, பண்பைச் சொல்லக்கூடிய, 'மை' என்ற எழுத்தில் முடியக்கூடிய வார்த்தை. அந்த வார்த்தை, அடுத்து வர வார்த்தையோட சேரும் போது, மை காணாம போயிடுது. 

செம்மை + மலர் = செம்மலர்.

இந்த மாதிரி ஆங்கிலத்தில் ஒரு வார்த்தை 'd'யில் முடிந்து, அடுத்த வார்த்தை 'g'யில் தொடங்கினால், dயின் உச்சரிப்பு காணாம போயிடும்.

எ.டு: bad, girl. 

இதை சேர்த்து உச்சரிக்கும்போது, ba-girl என்பது போல் உச்சரிப்போம்.

பி.கு: பெரும்பாலும் பண்புகள் 'மை' அப்படினு தான் முடியும்.

பண்பு அப்படின்னா தன்மைனு அர்த்தம். குளிர் அடிக்குதுனா குளுமை அதோட பண்பு. வெயில் அடிக்குது சுடுதுனா, வெம்மை அதோட பண்பு.